Fýlúpúkinn

Fer stundum í fýlu, ekki oft – en kemur fyrir. Það getur þurft lítið til að púkinn banki upp á, en þess mun meira til að reka hann á dyr aftur. Það gengur þó alltaf á endanum. Með tíma og góðum fyrirheitum.

Ef hægt væri að starfa við það eitt að vera fýlupúki, gæti ég líklega verið atvinnumaður í greininni. Tja. Í það minnsta hálfatvinnumaður. Gæti unnið fyrir hádegi og verið í fýlu eftir hádegi.