2004

Rakst á stjörnuspána mína fyrir árið 2004 í gær. Hún hljóðaði einhvern veginn svona...

Steingeitin er með Satúrnus beint á móti sól um þessar mundir (gott, ekki satt?).

Tiltekið samband á hug Steingeitarinnar allan þar sem Satúrnus er jafnframt í sjöunda húsi maka og samvinnu í sólarkorti hennar (segir sig nú sjálft eiginlega).

Afstaða Satúrnusar hefur áhrif á heilsu Steingeitarinnar (erfiður þessi Satúrnus, veit ekki hvað hann er alltaf að bögga mig. Kannski er hann villisvín úr Fellunum).

En...

Júpiter er til allrar hamingju í góðri afstöðu við sól á árinu líka og mun vega upp á móti þrengingum af völdum Satúrnusar (hjúkkit maður).

Og...

Í september mun Steingeitin skilja kjarnann frá hisminu á öllum sviðum.

Þannig að það er greinilega á allt kosið undir sólinni og stjörnunum. Ég á því að eiga gott ár í vændum... hmmm, eða hvað??


Gleðilegt ár og tak for det gamle...