Ivan Drago?

Á ársþingi KSÍ um helgina var Haukum veitt svonefnd Drago stytta fyrir að hafa verið prúðasta lið fyrstu deildar síðasta sumar. Þetta þykja mér nú góðar fréttir.

Heldur ekki laust við það að mér finnist ég nú eiga smá í þessari styttu, ef ekki bara dágóðan hlut. Hef enda reynt eftir fremsta megni að vera prúður leikmaður innanvallar og dagfarsprúður þess – fyrir utan. Þannig hef ég reynt að leika frekar í lóðréttri stöðu frekar en láréttri og ávallt rétti ég upp hendi og viðurkenndi brot mitt skömmustulega við hvert flaut. Svo prútt hefur reyndar stundum verið leikið að sumum hefur orðið um. Og ó.

En loks er sjentilmannaleikurinn að skila sér og vonandi að slíkur meginlandsknattspyrnuháttur fái framvegis aukna viðurkenningu. Vill ég við þetta tækifæri tileinka Drago styttuna öðrum dagfarsprúðum leikmönnum eins og Morten Olsen, Alan Hansen, Sókrates, Vali Valssyni, Glen Hysen, Viðari Þorkelssyni, Gareth Soutgate, Pele, Jesper Olsen, Peter Davenport, Mark Bright, Craig Johnstone, Elís Fannari Hafsteinssyni, Bobby Charlton, Michael Laudrup, Arnari Grétarssyni og Paul Mariner.

Allir eru þeir Rocky Balboa knattspyrnunnar. Slíkir flaggberar sjentilmennskunnar eru algjört möst.

Break you.