Kjeld

Sá vingjarnlegan norskan píanóleikara í gær – sem eitt sinn var tíður gestur á sjónvarpsskjánum hér á Íslandi á níunda áratugnum. Þið mynduð þekkja hann úr Eurovision undankeppnum í sjónvarpssal og Hemma Gunn. Gott ef hann spilaði ekki með Icy hópnum í glaðlega bankanum. Þið þekkið hann. Nú man ég auðvitað ekki hvað hann heitir en mig minnir Kjeld... eitthvað. Lýsi hér með eftir fyllra nafni.

En fyrir þá sem muna eftir Kjeld... eitthvað, þá get ég staðfest það að nú – tæplega tuttugu árum síðar gengur Kjeld ENNÞÁ með svona mjóan, þunnan lufsuklút sem hann vefur nokkra hringi um hálsinn þar til endarnir standa tilviljanakennt út úr og eitthvert. Þannig var hann í Nóatúni í gær.. tjaaa bara svona eins og ekkert hefði í skorist! Sem mér finnst í sjálfu sér vera í senn – frétt dagsins og fagmennska.