Stundum gerast sumarfrí

Stundum gerist lífið bara.

Hittir mann fyrir, minnir rækilega á sig og gefur manni sérstakan gaum. Stundum kemur það líka á óvart og það alveg óvart. Gaman að því. Þegar það gerist lítur maður inn í blá augu og bláan himinn á víxl, hummar og hváir, klórar létt í hvirfilinn og spáir í spilin. Þau svo lögð á borðið og farið yfir stöðuna. Sérð að öll trompin liggja á borðinu og þú tekur höndum utan um það sem skiptir máli. Og ágóðann. Stokkar svo upp spilin á ný.

Stundum allavega.

Sum frí eru sumarfrí. Sum frí eru svo miklu miklu meira.