101 > 105

Ég var að kaupa mína fyrstu íbúð. Ég og Ingibjörg það er að segja. 15. janúar fáum við afhent og þá munum við yfirgefa 101 póstnúmerið – í bili allavega. Nýja heimilið ber upp á Hofteig 34 sem er víst Þróttarahverfi. Þrátt fyrir það líst mér mjög vel á og hlakka til. Að opna hurðina fyrir verðandi fjölskyldu í Teigahverfinu.

En ég mun auðvitað sakna 101. Gæti líklega talið upp 100 og einn hlut sem ég mun sakna en læt nægja að nefna nokkra;

Súfistinn

Laugavegurinn

Þingholtin

Rölta um Þingholtin á kvöldin, kíkja inn um glugga og horfa á heimakæra miðborgarbúa slaka á. Hver með sínu lagi.

Rölta um Þingholtin og slaka sjálfur á.

Miðborg í vetrarbúningi

Gamlir menn með tréplanka

Gummi og Drekinn

Sandholt á laugardagsmorgnum

Baldursgata, Þórsgata og Laugavegur

Illgresi

Stöðumælaverðir (nei grínast)

Súfistinn (var ég búinn að segja Súfistinn?)

Listasafn Einars Ásmundssonar og klikkaðar stytturnar í garðinum. Seint á kvöldin.